Жуырда күнтізбелік жұмыс жоспары бойынша Ғылым бөлімімен Алакөл, Лепсі филиалдары аумағындағы жабайы жемісті орман алқаптарында Сиверс және Недзвецкий алмаларының фитосанитарлық жағдайы, жабайыжемістілердің шығымдылығына көз мөлшермен бағалаулар мен қадағалаулар жүргізілді: ағымдағы жылы жабайыжемісі Сиверс алмасы алқаптарының шығымдылығы В.Г.Каппер шәкілі бойынша 5 балл, яғни өте жақсы өнім байқалды, обьектілерді күзетуді орман айналымының мемлекеттік инспекторлары жүзеге асырады; жабайыжемісті орман алқабы, оның ішінде белгіленген Сиверс алмасы генетикалық резерваттары маңында, көрнекі жерлерде қорғау шаралары жөніндегі панно-аншлагтар орналасқан. Жабайы жемісті Сиверс алмасы орман алқабындағы мемлекеттік инспекторлар құрамымен жабайыжемісті Сиверс алмасы орман алқабының қазіргі жағдайы, оларды қорғау жөнінде атқарылатын іс-шаралар және қарастырылған жауапкершілік туралы семинар өткізілді.
Фитосанитарлық жағдайына келетін болсақ: жемістері барлығы дерлік тазқотыр ауруларына шалдыққан, жеміс беріп тұрған алмағаштар кәдімгі құлмақпен бойлап оралған. Бұл жағдайлар оларға тұрақты орманпатологиялық қадағалаулар жүргізуді қажет етеді.
