Барлық отбасыға арналған экологиялық соқпақтар

Ұлттық парк аумағында екі экологиялық соқпақ жұмыс істейді: №10 «Щеки шатқалы » және №11 «Көкжар шатқалы».

📌 Экологиялық соқпақ — келушілердің қауіпсіз қозғалуына арналған арнайы жабдықталған бағыт, сондай-ақ табиғатпен, оның ерекшеліктерімен танысуға және қоршаған ортаға ұқыпты қарау қағидаларын үйренуге мүмкіндік береді.

📅 1 мамырдан бастап экологиялық соқпақтар ашылып, туристерді қабылдайды.

❗️ Экологиялық соқпақтар туристік маршруттардан несімен ерекшеленеді?
Экологиялық соқпақтар, әдетте, ұзындығы қысқа болады, бағыттаушы белгілермен, ақпараттық тақтайшалармен және демалыс орындарымен жабдықталады. Олар танымдық серуендеуге арналған және кең аудиторияға, соның ішінде балаларға да қолайлы.

Ал туристік маршруттар, керісінше, ұзындығы бойынша ауқымды әрі күрделі болуы мүмкін, арнайы дайындықты және жабдықтарды талап етеді, сондай-ақ өтуге көбірек уақыт қажет етеді.

Аталған экологиялық соқпақтар жайлылық пен қауіпсіздік талаптарын ескере отырып әзірленген, сондықтан балалармен бірге келуге өте қолайлы. Бұл соқпақтармен серуендеу — табиғаттың бірегей көріністерімен танысып, таза ауада пайдалы уақыт өткізуге тамаша мүмкіндік.

🌱 Соқпақтар көркем табиғи аумақтар арқылы өтіп, келесі мүмкіндіктерді ұсынады:
– өңірдің флорасы мен фаунасы туралы көбірек білуге;
– экологиялық мәдениетті қалыптастыруға;
– бүкіл отбасымен табиғат аясында белсенді демалуға.

👨‍👩‍👧‍👦 «Көкжар» және «Щеки» экологиялық соқпақтары — балалар мен ересектерге арналған қауіпсіз әрі танымдық бағыттар.

Сіздерді табиғаттың әсемдігін бірге тамашалауға шақырамыз! 🌿