20 наурыз «Ұлттық спорт» күні

?Наурызнама онкүндігі аясындағы Ұлттық спорт күні Сарқан ауданында кең көлемде аталып өтуде!

Бүгін «Жоңғар-Алатауы мемлекеттік ұлттық табиғи паркінде» аудандық спортты дамыту және бұқаралық-спорттық іс-шараларды өткізу орталығымен бірлескен ұлттық спорт ойындары ұйымдастырылды.

Көпшілікті қызықтырған асық ату, тоғызқұмалақ,арқан тартыс,ляңгі және эстафеталық жарыстар мерекелік атмосфераны ерекше жандандырды. Сондай-ақ, ұлттық рухты көтеретін мерекелік концерт те көпшілік көңілінен шықты.

Іс-шараға арнайы қатысқан Сарқан ауданы әкімінің орынбасары Алмас Ажарханұлы жиналған жұртшылықты Ұлттық спорт күнімен құттықтап, салт-дәстүр мен спортты ұштастыра өткізілген мерекенің маңыздылығын атап өтті.

Ұлыстың ұлы күні – 22 наурызда да аудан аумағында спорт пен дәстүрді дәріптейтін ауқымды іс-шаралар жалғасатын болады!

Ұлттық спорт – ұлт рухының тірегі!