Бұл маңызды эко күні БҰҰ Бас Ассамблеясының 2012 жылғы шешімімен бекітілді. Күннің басты мақсаты — ормандар мен жасыл кеңістіктерді сақтау үшін назар аудару және күш-жігерді жұмылдыру.
Орманды және оның байлықтарын қорғау бүгінде әлемнің барша елдері үшін басты экологиялық міндеттер қатарында тұр.
?️«Жоңғар- Алатауы» мемлекеттік ұлттық табиғи паркі ерекше экологиялық, тарихи және эстетикалық құндылығы бар табиғи тау ландшафттарын сақтау мақсатында Қазақстан Республикасы Үкіметінің 2010 жылғы 30 сәуірдегі №370 қаулысына сәйкес құрылды.
Әлемдік маңызы бар генетикалық ресурстардың көзі болып табылатын бірегей жабайы алма ормандарын (Сиверс алма ағашы) сақтауға және қалпына келтіруге ерекше назар аударылады. МҰТП жалпы ауданының 1,05% - Қазақстан Республикасының Қызыл кітабына және халықаралық табиғатты қорғау одағының Қызыл тізіміне енгізілген Сиверс алма ағашының жабайы жеміс екпелері алып жатыр.