25 шілде күні Рекреация, экологиялық ағарту және туризм бөлімі және Ғылым бөлімдерімен бірге «Әділдік жоқ жерде парақорлық орнайды» атты тақырыбында дөңгелек үстел өткізілді.
Рекреация, экологиялық ағарту және туризм бөлім басшысы Б.Сағынғалиева парақорлық туралы ақпарат беріп, слайд көрсетілді.
Мақсаты;
Әділдіктің маңызын ашу
Парақорлықтың себептері мен зиянын көрсету
Қоғамды адал болуға шақыру.
Әділдік – кез келген қоғамның негізі. Егер елде әділ заңдар сақталмаса, адамдар өз мәселелерін заңсыз жолмен, яғни пара беру арқылы шешуге тырысады. Бұл – парақорлықтың басты себебі.
Парақорлық – қоғамның дамуына үлкен қауіп. Ол сенімді жояды, шынайы еңбекті бағаламай, әділдікті аяққа таптайды. Мысалы, бір адам білімі мен тәжірибесіне қарамай, тек ақша арқылы ғана жұмысқа орналасса – бұл әділетсіздік емес пе?
Әділ қоғамда әр адам тең мүмкіндікке ие. Ал егер әділдік болмаса, онда бай мен күшті ғана өз дегенін істейді. Сол себепті біз парақорлыққа жол бермей, әділдік үшін күресуіміз қажет.
