Бүгін ұлттық парктің қызметкерлері «Жетісу» өлкетанушылар орталығы» қоғамдық бірлестігінің ұйымдастыруымен Қызылжар шайқасының 327 жылдығы аясында «Felt book-2025» облыстық кітап көрме-фестиваліне қатысты. Іс-шара аясында орталық 2025 жылы дайындаған кітаптардың тұсаукесері өтті.
«Жетісу» өлкетанушылар орталығының директоры Қ.Андас ұлттық парктің ғылыми кітапхана қорына кітаптар сыйға тартып, 2026-2030 жылдарға арналған «Жоңғар-Алатауы мемлекеттік ұлттық табиғи паркінің табиғатты қорғау жүйесіндегі археологиялық, тарихи, киелі саналатын петроглифтер, қорғандар және қасиетті жерлерді кешенді зерттеу» тақырыбының бағдарламасына қол қойылды.