Деректерге сәйкес, мұздықтарда жердегі тұщы судың шамамен 70% - ы бар. Жоңғар Алатауының тауларында барлығы 1000-ға жуық мұздықтар бар. Бұл ретте олардың 627-сі солтүстік және солтүстік-шығыс беткейде орналасқан. Мұздықтардың жалпы ауданы шамамен 555 км². Мұздықтар өзендердің негізгі бастау алу көздерінің бірі болып табылады. Солтүстік беткейде Үлкен Айдаусай (139.2 км²), Басқан (197.9 км²), Лепсі (45,7 км²) өзендерінің бассейндерінде айтарлықтай мұздану шоғырланған. Тентек өзенінің бассейнінде 165 мұздық бар, бірақ олардың көлемі кіші болуына байланысты бассейннің мұздану аймағы салыстырмалы түрде аз (94.0 км²). Жотаның солтүстік беткейінде кейбір мұздықтардың төменгі шекарасы 2850-3000 м биіктікте, Лепсі өзенінің бассейнінде - 3400-3600 м, Айдаусай өзенінің бассейнінде - 3500-3700 м биіктікте орналасқан.
✍️Ғылым бөлімі
