Семинар қатысушылары “Эдельвейс” мектеп орманшылығының жұмысымен таныстырылды

Ұлттық парктің қызметкерлері Теректі орта мектебінде өткен «Заманауи шағын жинақты мектептегі мұғалімнің рөлі» атты аудандық семинар аясында «Эдельвейс» мектеп орманшылығының жұмысымен таныстырды.

Іс-шара барысында семинар қатысушыларына табиғатты қорғау, ағаш егу, орманды сақтау бағытында атқарып жатқан жұмыстары туралы ақпарат беріліп, мектеп пен орман мекемесінің өзара байланысының тиімділігін атап өтті.

Бұл тәжірибе экологиялық тәрбие берудің жарқын үлгісі ретінде жоғары бағаланды.

Сарқан филиалы