Жетісу облысының әкімі Бейбіт Исабаевтың төрағалығымен Президент Жолдауы аясында туризмді дамыту мәселелері бойынша кеңейтілген мәжіліс өтті

12.09.2025 ж. Жетісу облысының әкімі Бейбіт Исабаевтың төрағалығымен Президент Жолдауы аясында туризмді дамыту мәселелері бойынша кеңейтілген мәжіліс өтті.

Жиынға жергілікті атқарушы органдардың өкілдері, өңірдің туристік саласының мамандары, ұлттық табиғи парктердің, демалыс аймақтары мен базаларының басшылары, туристік клубтар мен бизнес нысандарының өкілдері қатысты.

Бейбіт Исабаев атап өткендей, Жетісу облысының туризмі 5 бағытқа негізделген. Олар: Алакөл және Балқаш көлдері, “Алтын-Емел” мен “Жоңғар-Алатауы” мемлекеттік ұлттық табиғи парктері, Жоңғар Алатауы тау сілемі.
Облыс әкімі өңірдегі туризмді дамыту жоспарларымен бөлісті.